今日放學後就出發去Riesa 的意粉廠, 由dresden neustadt 坐zug (re 或ic) 去到riesa, 再轉所有可以停nudelcenter 的巴士就會去到
本來出發時間為1.45, 但由於有些人未到, 領隊就一直等, 等到大家都有點累先出發
去到neustadtbahnhof 原來領導係唔知搭邊架車的, 問完一輪又買完票就出發.......去等車
等了十幾分鐘終於上到車, 但原來領隊並不知道要係哪個站落車的, 左問右問下終於問到答案
坐了大約59 分鐘, 終於去到riesa
車站外有很多巴士站, 但原來領隊同樣係唔知坐邊架車去到nudelcenter 的, 所以又要再周圍問人
最後問到後又再繼續等車
幾經波折終於去到
遊覽包括場地職員帶我們行製作工場的導覽, 但由於時間問題所以又要再等
這裡除了有意粉廠外亦有kochstudio (教煮食的地方) 及kochkurs (烹飪班), kochstudio 外面展出了不同時代的意粉, 廣告, 及製作用具等等, 所以等待的時間我們去了這邊參觀, 又見到原來很多德國人及小朋友會來這裡學烹飪
不同的意粉
以前各種製作工具
各種不同的意粉
以前的廣告等了差不多半小時終於可以入場, 但由於場內不準拍照, 所以冇照片可以post
一開始首先會看一段片段, 講解各個製作程序, 製作方法及各材料比例, 包裝...等等, 但由於放學後大家已經有點累, 加上不停行行企企及等車, 而且又冇午飯時間, 所以在飢寒疲倦的情況下, 睇片時90%的同學都不自覺地合起雙眼
睇完片開始入廠參觀, 首先要穿著保護衣一樣的衣服及帶上洗澡時帶的帽才可以入場, 一開始會看包裝程序, 見到大大部機器把意粉倒在包裝袋裡再封口, 完全沒停留的時間, 覺得好得意
之後就到睇mix 各種材料的步驟及製作有圖案的意粉的程序, 原來是一個個像羅絲一樣的模, 背後有一條條意粉粗幼的細洞洞, 機器會把意粉從洞洞擠出去, 再有另一部機做切割, 咁樣就做成一個個有不同形狀的意粉, 如卡通人物意粉, 羅絲粉及貝殼粉等等
然後就到trocken 的程序, 即是... 大約係drying 的意思, 因為剛做好的意粉是濕的, 要經過多重程序的trocken, 而參觀這步驟時應該是大家最醒神的時候, 因為可以試食不同乾燥程度的意粉, 雖然乾爭爭唔飽肚, 但大家仍然像餓鬼投胎一樣, 但仍保持氣質咁斯文地不停試完又試
我覺得最濕的時期及差不多最乾的時期最好味, 有點口感, 不過沒加醬汁是沒味道的, 只是口感不錯
參觀完所有程序後更每人有一包意粉作為紀念品, 超開心
參觀完我們又去到舖頭睇意粉, 這裡好大, 比香港一般屋村附近的超巿要大, 相中的只係整間舖頭的一角
這裡95%是意粉, 有部份意粉醬, 及其他食品, 但都是以同意粉有關的物品為主
烹飪班poster 上的超巨型貝殼意粉這裡除了有遊覽的人買意粉外, 亦有好多本地人來買意粉回家, 而且意粉除了有一般常見的形狀外還有很多特別的形狀, 如復活節推出的hase pasta (白兔意粉), 足球意粉, 心型意粉, 鬱金香等等
除了不同形狀, 仲有不同味道, 如原味, 加入spinat, 蕃茄, 墨魚汁的顏色意粉, 最奇怪係有朱古力味意粉..... 不過not suprising, 因為德國人鐘意食朱古力同甜品
又有好多唔同味的意粉醬及bio 意粉醬, 其實我都唔肯定bio- 係廣東話stand for 咩, 不過大約係有機之類
由於意粉好平 (平均1,6 euro, 最平的有1 euro), 意粉醬又唔貴 (bio 的較貴約2,5 euro), 所以大家都買了很多"手信"
之後有一個女同學提議在這裡的餐廳食完晚飯再回去, 其實我係唔同意的, 因為當時我諗到, 過了7 點, 返到dresden 小好多strassenbahn, 有排等, 所以不想去太夜, 而另外兩名日本同學及一個荷蘭同學亦想早走, 於是我們就去問領隊可否取回bahnkarte (車票) 回去, 但原來買的係團體票, 一定要5個人或以上才可以用, 加上領隊promise 話7.2xpm 會有車, 我地食完dinner 剛好可catch up 這班車
大比數之下我們都留在餐廳食dinner, 這間餐廳都幾大, 全部食物均有意粉, 如湯, 主菜及甜品, 而原來朱古力意粉是用來伴雪糕做甜品的!!
menu 製作成像雜誌一樣, 有講簡公司動向, 烹飪班及各種活動, 中間才是menu, 可以先選款式, 再配意粉, 或根據menu 介紹的菜式及意粉配搭都ok
我order 了最傳統的bolognese , 但配kelch, 味道都算ok, 但份量超大食完晚飯噩夢正式來臨
走出museum 後我們先發現原來領隊唔知回程巴士的車站係邊, 外國地方一天黑就好難搵到人, 我們唯有周圍行黎行去搵車站, 街又黑又靜, 我又累意粉又重我又行得慢, 幸好有位高大威猛旳同學仔一路行係我後面, 最後領隊見到有超市未關門, 入去問完後終於知道車站在哪
去到車站後大家一直食風一直等車, 幸好沒落雨, 而最近dresden 晚上終於回升至大約0度, 都可以抵得住冷, 但愈等愈耐, 大約過了40 分鐘, 但仍然連車聲都唔聽見, 比較富有的同學開始上網搵bus 的timetable, 發現原來7點後係超級小車, 個多鐘頭有一班, 幸好還有5分鐘就有巴士來, 就快變成冰條的大家都好似見到一條曙光一樣, 但有精明的同學向領隊提出, 火車幾點到riesa 站, 這個問題後, 又再把大家拉回噩夢, 原來巴士到達我們這個車站的同時, 亦係火車離開riesa 的時間, 即係無論點都好, 我地都catch 不到這班車, 而下一班車的到站時間, 領隊稱, 大約會係個多鐘頭後, 而大家又再一次無言
好不容易終於又到火車站, 大家又再一次食風
等到下一班的re 實在太耐了, 而我又見到去dresden 的ic 會係大約半個鐘後到, 所以就問領隊我地可否坐ic 回去, 領隊就話因為我地的係平價票, 所以唔可以, 不過火車快要埋站時領隊話問一問
車埋站後領隊去問, 火車職員係咁話nee nee nee (即係sachsen 的nein) 我個心都涼左半截, 而領隊的角度又好唔想大家分散有人上這班車, 有人唔上, 但幸好富有的同學出聲問如果加錢可否上車, 職員即刻話加錢就可以上, 由於大風吹到我頭都痛埋, 如果再係這個冰箱吹多個幾鐘我真係想暈, 加上個人又累又要做功課, 所以我都寧願俾錢快點回家, 但領隊仍然想說服我們話而家上車會貴左, 不過我地已經冇理, 照上車算, 領隊跟職員再爭論一陣後就開車, 最後上車的同學只得我及其他兩個同學上車
ic 車程比re 快了近30 minutes, 又較舒服回到neustadt, 富有同學自己回自己的家, 我及荷蘭同學就一齊回宿舍, strassenbahn 已經小左好多, 所以一見到有車我地兩個就跑了200 米追車, 上到車一路喘氣一路大笑, 幸好轉另一架strassenbahn 時只係等11minuten, 好好彩
回到家已經累死...
這個行程其實係好好的, 意粉廠又好值得去參觀, 只係領隊安排得太差, 不過都算係一個經驗, 而且大家係又冷又累又無止境地等待時仍然沒人面露不滿的表情或滿口怨言, 真係好好教養, 之後諗返成件事又覺得都算komisch, 但超大風係咁吹住, 真係又頭痛耳仔又凍到超痛
沒有留言:
張貼留言