29 FEBRUARY 2012 - 9

(毛毛雨)

今日全日落住毛毛雨, 走出街又唔覺有雨, 但件羽絨上就有一點點好密的小水點

今日在學校報了星期一去意粉廠的reise

這幾日每日都落雨, 還要落到星期六先停, 星期五去neustadt 都唔知點算, 希望去meissen 那天會好天

外國人做野真係好混亂的, 我move in 左咁耐, 今日才出通知信話我未俾kaution, 但明明一直都冇人話我知要俾, 仲要我一早已經交好了住宿費, 但今日竟然出message 話我未交, 要我再交, 搞左好耐, 又禁電腦又呢樣又個樣, 最後學校話會再check, 即係其實仲未知道我交好錢未, 我話左明天帶返張confirmation 俾他們又話唔洗...

放學後打算去bibliothek (圖書館) print re-schedule 了的e-ticket, 咁我第一次踏入這個bibliothek, 咩都唔識就問負責人, 但佢亦係typisch deutsche (典型德國人), 完全唔helpful 及唔nice, 問佢, 可唔可以係bibliothek print usb 裡面的document, 佢只係答, 唔可以; 咁我再問, 咁學校附近邊度可以print usb 裡面的document, 佢話唔知, 咁我再問, 我有好重要的doc 要print out 可以點, 佢終於答到我想要的答案: 學校只可以print email 裡面的doc

print 好就出altstadt 買notebook drop notes


今日搭7號strassenbahn, 落車見到有間面包店, 有鱷魚包買, 但超大個, 我一個都唔知點食,入面還有其他好像幾好味的蛋糕


每次見到都好想買這個蛋糕試, 今天終於買了, 其實真係幾好味, 不過食落有點酒味, 網上搵個recipe 先發現原來真係有酒
不過真係好好味, 但下次都係要外賣回家先食

28 febrary 2012 - 8 - 開學, altstadt AUSFLUG

(雨)

開學第一日就落雨

今日睇編班, 果然同想像中一樣唔係讀自己想讀的班

上課時發現同學們生字識得較多, 但grammtik 方面我就比他們好得多, 所有教的grammtik 我已經上次操考試時操到熟透, 所以覺得我可以讀高一級

明明我已經考過試, 成績又不差, 唔明點解又要再考入學試仲要再重頭讀過, 本來覺得如果所學的有所不同都覺得沒所謂, 但今日所教的我完全識哂, 但身邊的同學完全沒接觸過就覺得我可以唔入這班

break 時順道apply 了學校的kulturprogramm

下課後回家食lunch, 2.30 再到學校集合逛altstadt

坐車時跟另一個同學傾到上堂問題, 她都覺得個編班試編得佢太低班, 因為教的她都學過.

雖然這次去altstadt 跟我自己行的一樣, 不過算係join 一下學校的programm, 但今日天氣實在太差了, 又落大兩又超凍, 希望下次會好天

27 february 2012 - 7 - anmeldung

(晴天)

今日第一日開學, 大約8,00 返到學校做ANMELDUNG

其實係香港讀書時已經覺得好似唔夠好, 一直都好怕要讀返轉頭, 點知一做個TEST 更加覺得愈做愈深, 後尾個十幾題差不多唔洗諗已經知唔識答

算了, 當俾錢遊學

去完學校時間尚早, 今日再去ELBE PARK, Hoeffner 係間有點似ikea 的舖頭, 基本上日常所需的家庭用品都可以在這裡買到, 甚至買不是國際牌子的電磁爐及局爐, 一般物品同ikea 價錢差不多
對面就有間media markt, 可以買電器


elbe park 都幾大, 但for einkaufen 的舖頭遠不夠香港多, 也可能係因為這裡賣衫的舖頭唔岩我style, 本來突然好想食burger king, 想去食burger king, 但一個meal 成4,99, 所以最後都係去了食pasta

食完飯去了行ikea, 早知去ikea 食lunch!


ikea 買野食的地方好大, 同澳洲差不多

不過這間ikea 食野的地方就比澳洲大好多

行完ikea elbe park 已經沒地方好去, 所有坐strassenbahn 回城

又再去altmarkt 逛一會及去karstadt 買了bb枕頭再回去買餸

夜晚炒了意粉

 食完飯要自己把碟放好


買車票的機

26 february 2012 - 6 - elbe park

(雨, 飄雪, 超凍)



昨晚上網找到除了altmarkt 附近之外另一個逛街的地方, 除了巿中心有得賣的東西外還有如hoeffner 及ikea 等的傢俬及家庭用品店

去elba park 可以先到postplatz 轉9號strassenbahn, 在elbe park 站落車就會見到

今朝一早起身見外面下大雨已經覺得很麻煩, 因為要搵路, 出到去postplatz 發現今日超凍超大風, 打算穿altmarkt 過去另一個車站轉車時發現原來星期日不開工

之後發現遊客區外, 有99% 的舖頭都不開門, 其實我都已經覺得elbe park 都關門, 不過反正我買了月票, 就當遊車河

原來elbe park 星期日真的唔開門,只有bowling 球場開,  而戲院下午才開始工作, 於是我就坐車回城

由於在郊外, 等車時風好大又好凍, 愈等愈凍, 回到city 打算坐8號車回家才發現8號車星期日要下午才通車, 我唯有行到去pirnaischer platz 坐7號車回去

根據以前旅遊經驗所得, 大部份德國人是不算nice 及helpful 的, 但我一直以為德國人只是對亞洲人有偏見, 但今天等車時見到有一對中年的白人couple 以英語問5至6個德國人路, 但所有人都只是答no, 沒有人向這對旅客伸出緩手, 可惜我自已都不熟悉這一帶, otherwise 一定忍唔住去教他們, 不過由此可見, 德國人係無國界地唔nice 及唔helpful, 不過當然德國都有好多好nice 的人

落車後本來打算去supermarkt 買餸煮lunch 及dinner, 但原來supermarkt 星期日是關門的....

幸好我家還有一點儲糧, 下星期一定要預先買多點糧食過weekend

 
星期日的商場唔止一片死寂, 仲連閘都關埋

25 february 2012 - 5

(晴天, 大風)

今日本來打算去schloss 睇另一個珠寶展, 但星期六遊客較多, 除了外地人外, 都有很多德國人旅遊, 所以留待平日再去

首先由屋企出發去karstadt 食早餐, 之後再轉車出發到下個月會搬去的地方

坐大約20分鐘的strassenbahn 就到, 但已經距離dresden 巿中心好遠, 而本來在這裡的supermarkt 已經執笠, 到時唯有在巿中心買完grocery 再坐strassenbahn 回去

一直都想試nordsee 的fish and chips, 今天終於經過nordsee 而又肚餓, 入去買了一個klein fish and chips, 我剛講完一個細fish and chips, 個staff 就走左去拿食物, 到她回來後我話要埋可樂她即刻露出超級不滿的表情, fish and chips 加飲品總共4,64, 我給了20,04, 她發現我俾多4毫子時又再黑面, 還向天大聲唉左一聲, 又舉高雙手做出無奈的動作, 我本來係打算多俾4毫會好找錢一點, 但可能她覺得這樣更麻煩, 呢d 就係cultural differences 了

探完路後繼續回altmarkt 附近閒逛

 
這種路燈不止柏林才有, 今天還見到有一個是紮孖辮的, 不知道是否完全跟柏林那種一樣

24 february 2012 - 4 - schloss

(天陰)

今日再繼續去旅遊區, 去了residenzschloss

 

schloss 有兩個要付錢的展覽, 兩個都是關於珠寶, 這個沒聯票, 每個館分別10歐羅入場費

ground floor 的是 Historisches Grünes Gewölbe (baroque treasure chamber), 1st floor 是 Neues Grünes Gewölbe (museum of treasury art)

我只買了1樓的入場劵, 打算一日只行一個館
把所有展品都看完及highlight 最鐘意的仔細睇desciption 的話, 大約要用2個半小時, 最好把重的物件, 大袋或大褸放入locker, 咁會行得舒服一點

 館外樓梯

 

睇完後再上樓梯, 會去到另一個展覽館, 這裡有古時戰馬的盔甲, 布料等等

雖然這裡比zwinger 的入場費貴, 但都值得遊覽

 

museum 10.00 開門看完後夠時間食lunch, 今天去了altmarkt galerie 底層食意粉, 4,90 歐羅一個意粉一個, 但份量都很大, 不算太貴, 但德國牌子的可樂味道怪怪地....

下午繼續在altmarkt 附近逛街

晚上回家食晚飯

23 february 2012 - Zwinger, Hauptstr - 3

探索完周邊環境就開始行景點

今早打算出外食早餐, 但我身上只有100歐羅, 不少店舖都說沒零錢, 最後我去到frauenkirche 外, 很多人幫襯的舖頭才食到早餐

今天去了zwinger, 搭strassenbahn 到theaterplatz 落車就見到

   
 zwinger 係巴洛克建築, 外牆霉霉黑黑好靚, 不過因為正值冬天, 噴水池沒水, 草地都冇草, 樹又只剩枯枝, 加上zwinger 部份圍起維修, 所以沒上次來咁靚, 但zwinger 都仍然好靚

由於上次已影過相, 這次就去裡面的museum
zwinger有4個館, galerie alte meister 睇畫, porzellansammlung 睇瓷器, ruestkammer 睇軍事用品, mathematisch physikalischer salon 關於數學及物理, 不過這個館要到2013 年spring 才重開

一張聯票 10歐羅, 可以去到所有館

瓷器館很值得觀看, 裡面收藏了部份日本, 中國明朝, 康熙年間, 雍正年間製的瓷器以及meissen 的瓷器, 瓷器館有兩邊, 好像沒有室內通道直道, 要先看完一個館, 再去看另一個館, 用心把所有展品都看完的話大約要用2個多小時

收藏畫的館很大很大, 雖然不算是頂級的作品, 但全部都很靚, 但由於實在太大, 好幾次我以為已經迷路, 加上裡面太熱, 而且我的袋又重, 行了一半我已經想放棄, 但又找不到出口, 不論向左或向右看都只看到一堆沒盡頭的拱門, 不過裡面每一個房間都有很舒適的梳化椅, 累的話可以休息一會再上路, 由於這個館實在太大而且收藏太豐富, 有心而又夠時間慢慢把全部展品看完的話可預大約5小時, 入去前最好把大褸放在入口的衣帽間, 並把大件及太重的手提行李鎖在locker

軍事用品館收藏都好豐富, 展出很多盔甲, 劍, 槍及戰馬的盔甲, 不過我不喜歡看這些盔甲, 急步行完一個圈就走人

本來打算今天去埋residenzschloss, 但由於太累, 所以改明天再去



下午去了hauptstrasse的kunsthandwerkerpassagen, 這條街兩邊種滿樹, 春天及夏天應該會好靚, 冬天比較大風, 而且只剩樹枝, 人亦唔多見

之後行到去albertplatz 轉向bautznerstr 再向 alaunstr 行一會就會有間euro shop, 即香港的10蚊店, 但貨物品種及抵買程度就跟香港差好遠了

Augustusbruecke 望向舊城方向

過完橋就會見到一個集合了不同舊式建築物的區, 有semperoper, zwinger, staendehaus, hofkirche 及schloss 等等

fuerstenzug, 原本是總長102公尺的壁畫, 現在見到的是由meissen 瓷廠按照原圖由2萬4千塊瓷片拼湊成


 frauenkirche, 應該會譯聖母教堂



行完後就回到屋企後的超巿買餸煲湯!  原來德國都有豬展買的! supermarkt 的工作人員都超nice 超helpful!

22 Feb 2012 - 2 - altmarkt 探索

(天陰)

由於昨晚實在太早睡, 所以今朝6點多就起身

由於昨日經過altmarkt好有很多地方行, 所以今日去了altstadt 周圍探索

Dresden 的旅遊區不太大, 可以坐叮叮 strassenbahn 的7,8號就可以去到各個旅遊景點, 但坐8號最穩陣, dresden 的strassbahn 很方便, 指示很清楚, 車站會寫明該站站名及方向, 及下一個站, 車上又有電子顯示, 所以不怕迷路, 不過上車下車時要自己按開/關門, 上車時可以望下車頭的總站名再上車, 8號如果舊城方向的總站係suedvorstadt, 新城方向的總站係hellerau; 7號的舊城方向總站係pennrich, 新城方向係weixdorf

沿著大街koenigsbruechertrs, 即7及8號車行的路線, 會見到很多supermarkt, 如rewe 及netto, 所以不怕買不到日用品或零食


altmarkt galerie底層有supermarkt, 有像萬寧的rossmann, 有唔同的restaurant 及而樓上幾層有買衫褲鞋襪的舖頭, 基本上要買東西或逛街都可以在這裡搞掂, 不過價錢可能不太便宜

altmarkt glaerie 後面的prager str 的karstadt 有點像sogo 之類的百貨公司, 頂樓有像food court 的restaurant, 但比food court 高級小小, 下面其他樓層有男女童裝, 家庭用品, 化妝護膚品等, 最底層又係supermarkt, 這裡可以買到枕頭被鋪等用品, 不過價錢亦係較貴

去了KARSTADT 頂樓食了一個蛋糕, 由於剛開舖, 橙汁剛剛榨好, 超好味, 好似平日的德國蛋糕一樣, 雖然蛋糕好大件, 但味道不太膩, 不會太滯, 這裡去很多食快餐的地方都會有放用過的碟的area, 每個人食完都會自己收碟, karstadt 這個收碟area 整得好似迴轉壽司的迴轉帶, 只要把碟放上去就ok



吃完去了樓下睇家庭用品, 玩具及鞋, 這裡差不多有賣童裝的舖頭都會有steiff, 不用周圍搵

香港買冷通常會掛住一細塊織成手巾仔SIZE的SAMPLE, 這裡就織左一隻襪

 呢度都有穿珠仔買, 但價錢比香港貴好多

 

然後又去了廚房用品部買了磨pepper 及salt 的機, 本來以為細細個就會最平, 點知原來同大個的一樣價錢.....

德國的ballerina 同法國的分別在於法國鞋大部份都好靚, 但行得耐腳板底會痛, 但德國十部份鞋鞋底設計很舒適, 但可惜款式太過成熟, 實在試唔落手....

行完karstadt 就沿prager str 去centrum galerie, 但這裡好像不太好行, 相比之下altmarkt galerie 好行好多, 不過這裡有mueller, 即是像target 咁的舖頭, 可以買到平價日用品, 同埋商場裡面都幾靚

prager str 一直行可以去到hauptbahnhof, 沿路會有些舖頭賣衫, 電話, 日用品等



探索完都已經去左大半日, 德國普遍要去餐廳食飯都不算平, 所以夜晚回家煮飯

20 February 2012 出發 - 21 February 到達 - 1

(雨, 雪)

23.45 由香港出發!

先由香港飛去MUENCHEN 再轉機去DRESDEN

國泰真係比漢莎好好多, 至少服務態度差好遠, 空中小姐及哥哥會自覺去幫乘客, 飛機設備又好好多, 不過這次幸好睡得著

一出飛機即刻感覺到溫度轉變, 即刻醒神哂, 慕尼黑地上還有小小積雪

離開飛機看完轉機資料後就排隊過passport control
見到好像沒分德國citizen 及外國人, 全部'counter 都寫著all passport
由排隊所見, 其實香港人真係世界上算很有禮的一群, 不要以為側側膞打尖是內地人及印度人的專利, 其實也有不少外國人是同好

一向覺得德國指示差, 轉機指示亦同樣, 幸好無驚無險地過關

雖然是轉機, 但所有水樽容量的standard 跟一般出境一樣, 而我又要再由luggage 裡拿出notebook 過x-ray


外國的內陸機侯機室大概沒預料會有人拿重磅手提行李吧, 所以每一個地方均只設樓梯, 不設電梯及lift.......
幾經辛苦行完3層樓梯去到的不是上飛機而是上SHUTTLE BUS, 機場坐SHUTTLE BUS 很正常, 但架巴士竟然駛出機場外面, 嚇得我要問下隔離個男人架巴士是否去DRESDEN 的飛機@@

  


因為這班機人很少, 所以飛機好細, 像埃及坐內陸機的SIZE, 全架飛機大約只有3,40 人, 大約50多分鐘就抵達, DRESDEN 的機場好細, SIZE 有點像十幾年前的黃山機場, 而我是全個機場的唯一一個亞裔人士

出禁區時被CHECK 行李

因為帶著太多行李而且太重, 所以坐的士去學校, 車程很近, 大約十多分鐘, 價錢為12,4 歐羅, 我給了22,4, 點知司機叔叔完全沒有找錢的意慾, 要我提他才找錢

歐洲地方最麻煩係多樓梯, 拿著行李上完數級樓梯, 入到學校又再有另一組樓梯, 幾經辛苦上到去, 但還沒有房, 負責人話大約1小時後有房, 所以我就坐在CAFE 休息一會及等房
半個鐘後實在太悶, 所以問了學校拿WLan password 上一下網
再半個鐘後還沒有房, 又遇著學生放break, 我怕office 會很忙, 所以沒去打擾, 再過半個鐘break  也已經放完還沒有消息, 所以我忍不住去office 問何時有房, 點知原來還沒有房, 而且要等到下午2,3點才有房, 原因是因為我比原本開學的日子早了一星期到達, 但如果早到有問題當初學校就不要先租房給我...之後學校職員就叫我先周圍行下enjoy the city

拿著行李, 又背著超大背囊, 還有3至4小時, 地圖又沒有, 人又累, 點enjoy the city, 不過出去行行總好過坐在cafe 再等

本來一早已經跟學校講過到達時間, 打算先回房休息一會再整頓行裝再外出, 但現在情況有變, 想坐車但又不知道在哪裡買ticket, 唯有用腳行

沒有房不敢到supermarkt 買grocery 所以打算先出電話卡, 首先見到一間kiosk, 我以我有限的德文去話想買一張俾iphone 用的prepaid sim card, 任何telecom 都可以, 只要可以上到網就ok, 點知對方係咁問我要咩telecom, 我話沒所謂 (其實我根本唔知有咩電訊公司), 只要放到入iphone 同上到網就可以, 但對方仍一直問邊個telecom 又列舉左好多, 咁我就答vodafone, 佢仍然係個樣好不滿咁講一大堆唔知咩, 又同其他客人講 "連自己要咩telecom 都唔知" 跟住又繼續問我要咩sim card, 我見大家溝通不來, 費是啋佢走人

之後再走多一會就見到有vodafone 專門店, 但店員話這間店沒有prepaid card, 要去近centrum galerie 的才有, 我問好方向再繼續行, 行到下一間再問, 終於買到了, 不過都幾貴, 要10歐羅開卡, 再用15歐羅recharge, 不過原來用iphone 消錢消得很快, 半日就把15歐羅用盡, 行得太久又太餓, 忍唔住在面包店買了面包及熱朱古力再上路

今日天氣不太好又不太穩定時雪時雨, 我一路沿大路行很快就去到altmarkt galerie, 裡面總算可以避雪及雨, 裡面有一間build a bear 店, 但沒可愛衫
之後又去了有steiff 熊仔買的舖頭買了一個聖誕熊仔

之後再走一會就1.30, 開始走回學校

出來時不太累, 但再走回頭路特別累

回到學校已經2.15, 終於有房可以去

見到學校給的地圖, 宿舍跟學校只有兩個街口的距離, 所以打算走路去

但原來凹凸不平的石仔路好難推行李, 而且雨愈下愈大, 加上學校地圖只是寫了大街口, 所以宿舍跟學校的距離不止兩個街口, 而是兩個大十字路口

好幾次想放棄坐的士, 但一直都沒見有的士開過, 見到旁邊有酒店又想入去先住一晚, 放低行李避避雨再去探路, 因為學校地圖跟真實路況有很大差別, 我一直都不知道自己有冇行錯路

淋著大雨走了大約一小時終於去到宿舍, 怎料又是一堆樓梯, 仲要有個轉轉位!  幸好有裝修工人幫忙把行李拿到我房門口

放下行李後又趕著要出去, 因為已經下午4.00, 我還要去拿internet 用的moderm
拿到手後就要出apotheke 買護膚品, 之後再去supermarkt 買日用品 及小許食物

學了兩年德文, 但竟然一直都沒教過洗頭水(一樣叫shampoo) 及護髮素 (spuelung) 的德文

回到房間已經完全累到虛脫, 煲好水煮了個杯面, 食完沖涼完就睡覺

超累的一天

電話卡

本來想出發前做好RESEARCH, 去到德國出電話卡會比較方便, 已經SEND EMAIL 給各大電訊公司問PREPAID CARD FOR IPHONE 的DETAILS, 但SEND 了差不多成個月都沒有回覆....
唯有去到搵下...

搵屋

德國租屋的選擇有好多款, 例如WG Whongemeinschaft (shared apartment) , student apartment, fully furnished apartment 或者空屋


如果價錢平的通常會租wg, 但多數短期租約, 而且唔知會同咩人同住, 經過留學時多次不愉快經歷絶對不會考慮去搵自己笨

 student apartment 好難俾whv-er 租到, as whv-er 沒學生證

fully furnished apartment 最方便但價錢較貴

空屋最租約可以最平,及容易搵, 但所有水電煤傢俱都要自己重新買, 好多水電煤電話WLan合約都較長, 加埋安裝費等雜費, average 每個月的租金其實都不會比其他options 平宜好多, 要租的話最好搵間比較internationalize 的agent


if staying in 一個地方for 長時間但又不想買傢俬可以consider fully furnished apartment, holiday apartment 或serviced apartment
 
有些holiday apartment 是屋主外遊把自己間屋租出去, 這種rental 的period 可能較短, 屋主亦未必想租給外地人, 加上交收時會好麻煩, 如真要入住最好收屋時跟屋主一齊check everything and take photos as reference

另一種是landlord 買屋再furnished 過租給外國人住, 這種很多時都for 外國人for short term holiday 租住, 所以要check 一下lease period 是否cover 到你想住的時間, 如果找太local 的owner / agent without renting apartment 給外國人可能會比較麻煩, 有機會互send email 問details 問足幾個星期但到最後因交租方面或其他方面大家配合唔到而拉倒

租furnished apartment 的話不要預計全部傢俱都包括, 有時有些物品會not included in the rent, 而landlord 又不會講明, 到你到埗再每樣收extra 收費, 所以按自己需要每樣你想有的傢俱或device都問清楚再去租就最保障

租屋的價錢每個地方都唔同, 所以要睇自己budget 選地方, 或因應不同地方的average 再adjust 自己的budget

Applying WHV

Apply Deutschland whv 不用排隊又唔洗make appointment, 只要帶齊文件, 11.00am 前去到領事館等counter 就ok, 名額每年7月1 日更新一次, 不過感覺上好像沒聽過有人話爆人申請不到

documents required:
- 已填妥的residence premit form
- 英文書寫的醫療保單
- 有最少2000 歐羅的存款的存摺
- 機票itinerary
- 證件相
- passport
- application fee -  60 euro

基本上所有document 都做一個copy 比較好, 因為領事館做visa 時所有正本都會收哂, 之後攞左visa後佢會收form 的正本, 醫療保的副本及保險公司信的正本, 存摺副本同itinerary 的正本 (although it is only a print-out)

insurance:
德國領事館website 好像冇寫明insurnace coverage for whv 要幾多, 但參考apply long term 的visa 的保費要minimum 30萬 港元的coverage 及要世界性的coverage, 所以可用此準則買insurance
如果唔想煩可以買專for working holiday 的insurance, 因為會出一封信stated clearly 你的insurance 的保費, valid for 1 year 及係世界性coverage 給領事館
做insurance 前可以先問insurance公司如果做唔到visa 可否全面退款及取消個insurance

itinerary:
要寫明去德國的才可以申請whv, 拿visa 時見到有人訂的機票不是去到德國,而係另外轉火車從其他歐洲國家入德國,  所以連form 也不用交就被reject
亦有聽過有人話要出真機票先做到visa, 不過luckily 我用itinerary 就出到visa
申請visa 時見有人冇photocopy itinerary, 之後個applicant 問可否拿返張itinerary, counter 的staff 話叫佢photocopy 左張itinerary  再來申請, 可能每次情況不同, 但photocopy 左就唔怕要黎多次

證件相:
 最好去統一中心快圖美影, 因為德國領事館對幅相有特別要求, 又要求大頭相, 唔笑, 露頸露眼眉, 仲唔可以cut 做一張張相, 要一大張等領事館自己cut)

application fee:
application fee 為60 euro, 確實價錢以當日滙率作準, 領事館未必一定有錢找, 如果唔想行多轉, 帶定零錢同細紙會穩陣d