24 March 2012 - 33 - dresden-er

(晴, 4 - 17 度)

好多時都覺得外國人比內地同胞有禮及有公德心, 但其實都不一定

德國好大, 每個省份的人的性格都應該有點分別, 所以就我認識的sachsen-er 來說, 公德心真的好一般

遍地黃金:
在dresden 非旅遊區逛街要好小心, 因為遍地黃金, 而且好多時候都是在路中心的, 不小心都會踩中地雷, 所以地上有不小附上鞋形的黃金或一條黃金鞋印路

煙蒂及吸煙:
德國的煙民真的實在不少
香港雖然有不少地方地上有煙蒂, 但見識過dresden 後就發覺香港真的好整潔, 特別係車站, 路軌, 或有蓋等車的地方
香港有公德心的人通常見到有孕婦或小孩都不會對住他們吸煙, 但在這裡不論附近是否有老有嫩有孕婦, 煙民仍然毫不避忌繼續吞雲吐霧, 奇就奇在這些老弱婦孺也不會迴避, 本來我以為這些人有禮不想明顯迴避, 但之後發現, 可能德國人不覺得吸煙, 或吸二手煙有問題, 因為經常見到有父母帶著小朋友時仍然照吸煙, 拖著小朋友的吸煙, 推著bb 車的吸煙, 連抱著bb 的大隻男也會以單手抱bb 再用另一隻手抽煙..... 所以, 可能佢地覺得煙而已, 有咩問題吧.....?

讓坐及助人:

1. 香港坐車見到太多人, 而又有人沒位坐, 正常人都會拿起自己放在另一位置上的物品, 讓人坐, 但dresden 的人係不會的, 明明地下係有空間可以放到, 而奇就奇在, 冇人會覺得有問題, 大家好似覺得不讓坐係理所當然
2. 香港見到有老人家坐車沒位坐, 正常的人係會讓坐俾老人家的, 但dresden 的人係完全唔會咁做, 見過好多次, 有滿頭白髮的老人企係坐低的人旁邊 (至少唔係老人家), 但仍然冇人讓坐, 有次我有份坐低, 見到咁的情形實在於心不忍, 讓坐俾老人家, 但呢位老人居然超級驚訝, 可能因為從來都冇人讓過坐俾佢
3. 去schloss pillnitz 時見到有一對老人夫婦, 兩個都年紀大, 男的行動不便要坐輪椅, 女的行路拐拐下, 佢地去到樓梯口要落樓梯, 男的起身轉用拐杖, 連行平路都拐拐下, 女的推輪椅落樓梯, 旁邊的人冇一個幫手, 反而表情仲好似好不滿覺得佢地阻住時間, 最後我去幫手推車, 跟住係旁邊圍觀的年輕男人先來幫手扶老人家落樓梯, 其他人仍舊一滿不滿

打尖:
dresden-er 係非常喜歡打尖的, 不論係買野, 入場定去洗手間
例子太多, 每次出街均會遇到, 基本上只要不在遊客區, 每日都會俾人打尖, 次數比係尖沙咀被大內地同胞打尖的次數更多, 例如有次係karstadt 買野俾錢, cashier 有兩個, 本來條隊係得一條, 但當排我前面的德國人都已經俾緊錢時, 係會有其他德國人蝦你係外國人而排正係其中一個cashier 的正後方, 我好有禮地話, 我排緊呢條隊好耐, 一直都得一條隊, 反而會受到打人尖的德國人用超快及我聽唔明的德文加兇狠的樣唔知回敬我d 咩
有時d人排排下隊, 又會有意冇意咁側側膞企下企下企左你隔離, 再迫去你前面
試衫或去洗手間又試過, 排到下一個到我了, 兩次均是後面只有一個德國人排緊隊, 當有空出的試身室或洗手間時, 佢係以超快的速度飛身去打我尖, 速度簡直快過輕功, 令身為中國人的我自愧不如, 唔怪得咁多外國人放假時去中國武當習武, 原來係練縱雲梯 (還是梯雲縱?)

歧視?
唔知算唔算係歧視, 但好多時我發覺dresden 門口的防盜係好易响的, 好幾次我跟另外數個德國人一起踏出舖頭門口時防盜响起, 店員放走其他的德國人, 只叫我去check 袋及再試出舖頭, 而每次都證明, 我自己一個出門口時防盜係唔响的


愈來愈覺得香港人素質好好