(-9 至-1 度, 雪)
今日由慕尼黑返柏林, 因為晚加上屋企遍遠, 所以通常都坐的士返家
這次出機場後見到排第一的的士問我是否要坐的士, 我答係之後就幫我拿行李上車, 我又不疑有詐
平日多數坐的士都有車資SHOW 在倒後鏡上, 但這次我又看不到價錢, 而且車程比平日早到, 司機說由於路面有問題, 所以著我早兩個街口落車, 準備落車時問司機車資, 司機話車費134,8 euro, 我再問是否134,8, 對方不知用德文答咩, 之後我以為可能個1字係睇錯, 所以俾35 euro, 當0,2 tips, 但點知司機說仍差100 euro, 我就話平日應該是30euro 以下, 對方一直話要我給100 euro, 我就覺得有問題, 話沒理由咁貴, 之後我就話, 不如你把行李給我, 我地落車再講呢個問題, 但司機不肯開行李箱, 我再話, 不如我叫我業主來, 佢可能清楚d, 同埋佢係德國人 (因為我聽唔明得哂個司機的說話) 但司機只係一直話要我俾多100 euro, 之後更叫多個司機來, 見到對方人多勢眾我開始驚, 驚起上來又無助, 覺得現在唯一幫到我的只有警察, 所以唯有報警救助, 遲來的司機見到我打電話, 問我是否報警, 我話係, 之後本來車我的司機就立即把行李拿出來, 連行李相都沒關蓋就飛車走了, 但其實我本來以為他們會等警察來到後, 再以警察作中間人來跟我理論
不過由於已打電話報警, 所以還要落口供, 德國的警察比澳洲的警察有效率, 還開了約4架警車來, 之後就有3架車開車去追截, 另一架留底跟我落口供, 不過我又沒留意到對方衣著, 身高, 又沒看到車牌, 所以估計很難追捕
不過作為遊客, 真的不知道哪架的士是好, 哪架是壞, 可能我已經很好運, 來到這麼久只是第一次遇到差司機, 不過幸好就快離開柏林, 下次又有爸爸陪我, 所以不怕無良司機
沒有留言:
張貼留言