Zizi 絲絲 blog: 4 January 2013 - 日本北海道之旅 - 第四日

今朝起身後又再開始一日的旅程, 不過今日比較悠閒, 主要行程只有做音樂盒, 之後再在硝子街閒逛

由房間望出外面, 白茫茫一片

酒店的自助早餐

我通常習慣食西式早餐

不過酒店內好多日本人居住, 又見到大部份人都食早式早餐, 所以我又整了個日式湯飯給媽媽, 不過我怕冇味, 所以加了幾粒味增及好多七味粉, 但味道仍然很淡

早餐主要為日式, 有各種飯及日本湯

食過早餐就出發去南小樽站整音樂盒, 不過原來商場通道10.00 才開門, 所以唯有冒著風雪走去JR 站, 雖然今天超級大風雪, 但可能因為仍是早上, 所以粉力充溢, 不覺得冷, 只覺得好玩

幾經辛苦去到JR 站後就坐車到南小樽

今次是我們第一次坐JR 去南小樽站, 離開車站後雪落得更大, 周圍白茫茫一片, 分不清方向, 幸好問了兩位途人後終於找到硝子街

然後就去了遊工房開始做音樂盒, 要做音樂盒的話, 職員說大約預留個半小時

之後可以先選底座, 再選音樂盒, 最後就可以選玻璃公仔, 每一樣ITEM 都有不同價錢, 由於職員給我們選購玻璃公仔的盆太細, 裡面的東西好容易失平衡而跌落地, 所以最好放在枱上再拿玻璃公仔過去枱面比較安全

選定就可以先付款, 然後職員就會給我們幾個小鋼碗及AB 膠以便黏合所有東西, 如果之後發現不夠玻璃公仔可以再配, 如果不夠膠可以免費任拿

這個是媽媽的構圖

這個是我的構圖

做好構圖及計劃好之後便可以開始"痴"公仔了

剛去到的時候只有我跟媽媽, 之後又來了兩個日本女仔, 再之後又有一些父母帶著子女來, 職員雖說只需個半鐘頭, 但由於我是極度完美主義者及極其小心及仔細, 所以最後用了四個鐘才勉強完成, 要不是媽媽肚餓及已經早已完成了兩個成品, 我還可以再繼續慢慢整

這個是媽媽的完成品

本來這個是我做的, 但我實在做得太慢, 所以由媽媽代做, 不過媽媽完成了兩個後我還沒完成我的那個

由於我做得太投入, 所以忘了影相

做完音樂盒後本來想去食牛角, 但可惜只做晚市, 所以我們又去了六花亭, 今次只食小食

這個餅好好味

雖然只是甜點, 但食得多會好滯, 所以食飽後我們就去了銀之鐘4號館, 入場時職員還只收了我中學生入場費

4號館裡面是零下15度的冰館, 裡面有冰屋, 又有冰砌的床, 好像小龍女那張寒玉床一樣

還有冰滑梯

這個雪人牌有寫上當日日期, 不過我們去影相時完全遮蓋了日期, 回到酒店才發現原來有日期

之後由這條樓梯上上層

再入這個冰迷宮, 雖說是迷宮, 但其實只是條冰通道

然後就玩這個嗗梯離開, 不過如果驚的話也可以由工作人員帶離冰館

離開冰館後會去到3號館再由此離開

之後我們再去小樽音樂盒堂的本館拿禮物及到遊工房拿回音樂盒, 不過今天天氣很差, 縱使仍是下午, 但雪愈落愈大, 一路行雪一路吹入眼及鼻, 我們連眼也睜不開, 又要常常把雪從鼻噴返出來

只是下午, 但好像已經黃昏一樣, 所以我們坐了的士回酒店, 然後發現原來坐的士比坐JR 抵, 因為我們兩人坐JR 都已經要400 YEN