德國買日用品或食物不算好貴, 食物 如腸仔, 大約0,95 歐羅就有, 意粉一包大約1,5歐羅, 意粉醬要大約2,5歐羅, 洗衣液及衣物柔順劑大約不用2歐羅, 我自己覺得quality 都唔差, 聽老師說住德國邊境的奧地利人, 捷克人, 瑞士人都會到德國買日用品
德國日用品平係因為德國好多supermarkt, 就我屋企附近都已經有3間超市, 仲要係size 有香港 harbour city 的citysuper 咁大
以我所見過的德國supermarkt 有:
edeka, 我覺得唔錯, 好大好光猛好有香港的大型超市感覺, 亦好似melbourne qv 樓下的safeway, 我平日會去edeka e centre, 好多野買
aldi, 多數賣平價產品, 我去過其中一間, 連coca cola 都冇, 但有其他未見過的德國牌可樂
netto marken-discount, 價錢都係比一般超市平宜, 有點似香港屋村的超市, 但size 當然大好多
rewe, 都唔錯的supermarkt, 光猛整齊
我一直都以為德國係冇雞粉, 但原來edeka 係有家樂牌雞粉, 仲有合味道杯面同有米買, 不過飯煲係一個問題, 因為好似唔覺得電器舖有飯煲賣
德國的藥房, 即apotheke 通常都有好多野買, 例如護膚品, 但當然沒有日本化妝品牌的護膚品, 但係德國用德國牌子都唔錯, 日日開大暖氣但面的皮膚都唔算乾, 而且洗完臉未搽護膚品前竟然冇香港的繃緊感覺, 不過我覺得手同咀唇會比較易乾, 所以最好隨身帶hand cream 及lip balm
雖然外國人係鐘意曬太陽, 但其實德國係有防曬買的, 同樣可以係藥房買到, 未買過所以唔知價錢, 亦未用過唔知好唔好用
今日的圖係: 麥當勞
香港有24小時麥當勞, 這裡有23小時麥當勞, 究竟經濟學上黎講, 23 定24 小時著數點?
沒有留言:
張貼留言