4 March 2012 - 13 - 週日的dresden

(晴)

檸檬蛋糕早餐, 但太大件

又到左星期日, 今日天氣好好, 本來打算出去租單車踩的, 但原來真係差不多99%的舖頭都唔開....

由於星期日連strassenbahn 都好小班次, 所以我由屋企慢慢行落去albertplatz, 沿途見到冇舖頭開本來打算在albertplatz 坐車回家, 但見到對頭有7號車來緊, 這個車又會經hauptbahnhof, 所以打算去遊一下車河

平日我唔會坐得遠過pirnaischerplatz, 但原來之後的站好近prager strasse, 好方便

   
到hauptbahnhof 後見到這裡全部舖頭都有開門, 可能因為weekend 好多人坐火車, 昨天買不到面包, 幸好這裡有好大間舖頭賣food, 終於買到個包明天食

 在hauptbahnhof 裡面, 像karstadt 頂樓, 好似buffet 咁, 自己拿想食的野再去cashier 俾錢, 有面包有蛋糕有意粉有燒雞....

站裡面仲有我最鐘意的burger king, 好想捱貴買個餐食, 但朝早食左個早餐仲飽緊......

我搵左好耐想買多個travel blue 的尼龍袋, 終於係度搵到, 9,9歐羅, 全德國公價, 但我冇細紙係身, 個收銀一收到即刻ee umum 好不滿咁口up up 唔知講乜

行完hauptbahnhof 沿prager strasse 行, 原來真係冇舖頭開門, 去到walpurgisstr 站對面的戲院行左個圈, 買了一杯超貴的思樂冰, 剛好有車回家

 戲院

戲院裡的小食counter

 德國思樂冰, 唔係太好味...

3 March 2012 - 12 - Meissen

(晴)

今日去Meissen!

幸好天氣很好, 沒落雨又有太陽, 但仍然好凍, 這樣的天氣最好出外玩

 dresden 的neustadt bahnhof

 我去過的每一個德國火車站都會有這種火車模型及小村莊, 好可愛

 估唔到dresden 這個小地方會有咁多日本漫畫
 sbahn 有兩層, 坐邊一層都可以

meissen 方向的火車platform




在neustadt 的bahnhof 出發到meissen, meissen 係一個陶瓷廠, 但亦都係一個地方名, 由dresden 出發坐sbahn s1 到meissen 大約要40分鐘

到達meissen

meissen 的火車站

向dom 的方向行



去到meissen bahnhof 後就沿bahnhof strasse 行, 去到altstadtbruecke 會睇到橋另一邊有好多古老建築物的風景, 都幾靚的

 albrechtsburg 遠景

再沿路繼續行就會去到好似舊城的地方

開始上樓梯及斜路

中途休息的城門


之後不停上樓梯不停上樓梯就會上到一個平台似的地方休息, 在這裡望落去舊城好靚, 有點似praha 或heidelberg, 因為下面的建築物都有紅色屋頂
休息完再繼續上樓梯, 上到我覺得自己就快休克暈低時好似已經行到頂

  
再休息一會睇一會風景又再行, 不過這次係落樓梯, 滿心歡喜以為甩難, 點知又要再上樓梯

 
上上落落後終於去到domplatz, 之後就入去albrechtsburg meissen

這個城堡除了有介紹以前城堡的作用外, 亦有展出meissen 的陶瓷, 製法及floorplan 等等相關資料


一入去是schlosscafe 及買票的地方, 亦會有耳機拿, 但只有englisch 及deutsch, 我自己行的時候就發現唔到入場後有toilet, 所以最好於入場前先去一去洗手間, 這個城堡開放的地方有3層, 每層均有好多房間, 每一個房間都有錄音講解, 有心聽完所有解釋的話需時好久, 由於我跟學校去, 不夠時間聽講解, 所以estimate 唔到講完所有講解要多久, 我聽完第一層所有解釋, 再聽第2層部份解釋及行了小部份第3層大約需要2個幾鐘頭
入場後裡面沒暖氣, 而且高樓底設計及拱門型設計令整個場館好似大冰箱一樣, 愈行愈凍, 我們全部同學由上到山剛入場只穿t-shirt 到行到第2層已經要把所有外套, 耳罩, 頸巾及手套都帶上, 所以真係非常凍
裡面最好玩是有一個room 為保護地板, 所以每個人都要穿上絨底拖鞋, 穿上後有點滑, 在木地板上滑行似溜緊冰, 好好玩, 場內不準影相所以沒有相可post


去完已經中午, 由城堡落去markt 附近食lunch


之後再出發到meissen prozellan manufaktur 參觀, 同樣係不可以拍照, 而且所有大褸及大袋都要store 在counter 內才可入場

一開始會入到一間房先看錄影, 之後再去不同的room 睇示範, 第一個示範係整杯, 或把陶泥放入模內柾成不同的形, 第2個示範是整人型陶瓷及裝飾, 會示範怎樣整一個人出來及怎修飾, 第3個上色, 用的筆不像畫油畫的筆, 反而像寫毛筆字那種, 第4個也是上色, 但用的筆較纖幼, 像針一樣

看完示範在museum 的另一邊還有陶瓷展覽, 除了有meissen 自己的陶瓷外還有來自世界各地, 如中國, 日本, 埃及, 法國, 英國, 意大利, 美國....等地的陶瓷製品, 同樣因為時間不夠所以只能走馬看花

meissen 的陶瓷以人手製作及上色, 底部會印上號, 大部份meissen 的產品都很貴, 每年meissen 都會produce 一個圓型, 底部有年份的medaillen for收藏, 由於價錢算係超平, 所以我都買了一個做手信!

去完meissen 瓷器廠就坐sbahn 回家, 今日除了坐車及食飯外一直不停行, 攰死, 不過meissen 這個小鎮好靚好值得去遊覽

回到城仲要去買餸

2 March 2012 - 11 - Neustadt

(晴)

多數旅遊書及節目都會介紹dresden 的altstadt 及theater platz,好似沒人介紹neustadt 即係 新城區, 以前的nrestadt 聚好多玩音樂及藝術的人, 現在的neustadt 多數係酒吧, weekend 好多人夜晚會到neustadt 玩及飲酒
如果留在dresden 幾日, 但又已經逛完altstadt 可以去neustadt 睇下當地人生活及玩樂的地方

沿著koenigsbrueckerstrasse 行, bischofsweg 附近的schauburg 係一間戲院, 上演唔止德國電影, 還有其他國家的電影上, 有小小似非主流電影的戲院, 當地人認為這間戲院很平, 因為大約5-6歐羅一個人, 但比起香港其實只係一般, 唔算特別平


再向altstadt (舊城)方面行一會, 會見到有些看似已經舊到荒廢了的屋, 但其實原來係酒吧來的

再向前行小小, 過對面馬路後轉入louisenstrasse 會有更多的酒吧及其他小舖頭

除了酒吧及小舖頭外, neustadt 都有好多kinder (小朋友)玩樂的platz

再轉入alauanstrasse 一直行返出去albertplatz 附近的bautznerstrasse 會見到一個Erich-Kästner-Denkmal,erich-kaestner 係自己的書內寫了關於細個係dresden 經歷的作家, 不過這個銅像現在俾人插滿煙頭, 都算另一種neustadt 文化吧

 (由於裡面不準拍照, 所以這張相係由website download)
沿著bautzner strasse 向alaunstrasse 及rothenburger strasse 方向行, 到wolfsgasse 對面會有一間專門賣奶製品的舖頭, dresdener molkerei gebrueder pfund, 這間舖頭以前由mr pfund 開, 裡面有5個牛, 可以讓客人選買邊個牛的牛奶再渣牛奶, 現在已經冇即場渣牛奶, 但仍然係賣牛製品, 除了牛奶還有芝士, 洗澡用的bathmilk, 護膚品, 朱古力及同這間舖頭有關係postcard 及精品, 想試食芝士的話可以付錢試食
舖頭裡面又有一間restaurant, 有芝士蛋糕, 雪糕, 芝士等等的野食, 價錢不算貴, 同其他dresden 的餐廳差不多

 
行返轉頭第一個街口, 由pulsnitzer str 轉入去會見到舊猶太人之墓, alter juedischer friedhof, 可以入內參觀, 但要先申請及付款

alter juedischer friedhof對面係martin-luther platz, 裡面有martin-luther kirche, 係neustadt 第一個教堂

之後在louisenstr 的屋的拱門行入去會去到nordbad, 以前的屋不是每間屋都有浴室, 所以會有好多公眾浴室俾附近居民沖涼, 但現在每人的屋企都有浴室, 這些公眾就改為游泳池, 除了游水, 亦可以局sauna, 入場前可以選游水還是SAUNA, 然後係呢部機買票

再沿louisenstr 轉入goerlitzer str 會見到有間thalia kino, 這間戲院會播外國電影, 仲要係原聲播影, 想睇hollywood 片但又不想有德文配音就可以來這裡看

      
 

向louisenstr 反方向行會見到有一個叫kunsthof passage 的小入口, 外面看沒甚麼特別, 但裡面有一些小restaurant 及小舖頭賣特色手作, 民居的外牆又畫上不同主題的畫及裝飾, 我自己覺得是neustadt 裡最靚的區域, 這裡的concept 有點似wien (維也納)的hundertwasserhaus, 但就沒hundertwasserhas 咁靚

1 Mar 2012 - 10 - Kochkurs

(毛毛雨)

今日又落住毛毛雨, 這種天氣真的好麻煩

本來出門前紮左一個靚靚的髻, 但一出門口追完strassenbahn 後成個散哂, 仲要追唔到車!

德國的煙民非常多, 等車時總有很多人在吸煙, 有時想在shelter 內等車, 但裡面太多人吸煙, 唯有在外面吹著風等車, 不過落雨就沒辦法了, 不要以為外國人就有公德心, dresden 的吸煙人士好喜歡隨地掉煙頭, 所以巴士站及strassenbahn 站都會見到好多煙頭係地上面

今日老師帶了蛋糕仔給我們做早餐, 又睇了報紙, 但我最怕睇報紙後手上俾報紙油墨染黑....不過都要頂硬上

雖然今朝食了老師俾的蛋糕, 但pause machen 時我都有照食自己整的早餐, 但今日太貪心, 放了4層芝士及5層salami, 食到超飽超辛苦

放學得知學校可以租琴彈, 本來打算明天才去租, 但一見到琴就手痕忍唔住即刻走去租來彈, 我首首本名曲太耐沒彈了, 生疏左許多, 要慢慢pick up, 即刻whatsapp mama papa scan 琴譜俾我練習! 一彈完琴即刻心情開朗好多

放學去了supermarkt 買生果, 之後回到家仍然好飽, mittagessen (午餐)都不想食

17.30 出門口去學校上kochkurs! 去到見到不同班的同學, 初時見面大家都很內歛, 沒什麼對話, 之後有一個日本女士發現我係今日下午彈琴個女仔, 就同我傾音樂的話題

之後開始煮飯, 大家分工合作, 有些人洗碗, 有些人切菜, 我就負責批羅白皮及磨薯仔蓉

之後薯仔蓉及zwiebel 蓉(忘了中文) 混好, 再加入雞蛋再mix well, 再加入salz及栗子粉及看似像生粉的粉後再mix well, 這個過程全以人手徒手mix, 仲係由我負責這個重任! 而其他人有些煮羅白, 有些煮pilz...等等, 大家本來都沒講話, 但一齊落手落腳煮食後變得健談左又熟絡起來
由於準備的份量太多, 煮到約8點多才可以食, 大家都超餓

不過其實不太好味, 但過程就好好玩及認識到好多新同學!

食完飯大家傾下傾下又傾到音樂, 更要被大家屈了我及另一個女士去表演彈琴, 我又像平日一樣, 對著大家彈琴時超手震, 不過大家都很encouraging

收拾好後離開時已經差不多9 時多了

回家趕著洗澡訓覺!

ein schoener tag!

 這3日的天氣報告

 部份材料

 餐枱!


 成品!